Ad su prude Dama
Si le mundo e le tempore non curreva verso le abysmo,
Cara, tunc esser prude non serea un crimine.
Nos irea nos assider pro soniar le tote die
Re le infinite camminos ubi duce nostre amor.
In India, ubi vos serea, le Gange, sur su ripa,
Offererea ad vos rubinos; e io, sequente le bordo del vive aqua
De mi natal refugio, io me lamentarea.
Io amarea vos dece annos; le Diluvio apparerea,
Vos vos refusarea, fidel secun vostre capricio,
Attendente (qui sape) que Judeos se converte.
Mi pigre amor se elevarea plus grande,
Plus vaste quam imperio, e semper mollemente.
Serea necesse ad me cento annos pro que io complimenta
Vostre oculos e que vostre fronte, per mi reguardo, io vanta.
Io besoniarea duo centos pro adorar cata sino.
Trenta milles annos le cetero? E tunc? Es nihil.
Cata parte haberea un integre era,
E le ultime evo montrarea in fin vostre corde.
Nam, sin alicun dubita, Seniora,
Iste ceremonial vos lo merita,
E io non amarea vos ad minor precio.
Sed, in mi dorso, io audi continuemente
Le alate carro del Tempore que se appocha velocemente:
Coram nos se extende inexploitate
Le vaste deserto de Eternitate
Ubi vostre beltate sera perdite
E le echo de mi cantion non sera plus audite
In vostre sepulcro de marmore:
Solmente le vermes tentara
Celle indomabile hymene: illos rendera
Vostre desuete honor intra simple pulvere:
Cineres mi desiderio ephemere devenira
Le tumba es un loco multo intime e belle,
Sed io dubita que alicuno ibi volerea facer amor.
Nunc, ergo, dum le pallor juvenil itero
Se pone sur vostre pelle como ros del matino,
Nunc dum vostre anima consenti,
Per cata poro vostre in ardente flamma,
Dum nos pote, nos deberea gauder:
Veni, otiosa, e como le buteos
In calor, vamos gluter nostre tempore
In vice de languer intra su mandibula!
Tunc vamos comprimer tote nostre fortia e nostre dulcitia
Intra un sol balla jectate preter le ferree grillias del vita.
Assi, quanquam nos non pote detener iste sol
Immobile dum su curso,
Tamen nos lo facera currer.
Poema _To His Coy Mistress_
Per Andrew Marvel
Traducite in interlingua per Martin Lavallée